ថ្ងៃនេះ ឧទាហរណ៍ថាខ្ញុំជាសម្តេច
ខែមករា 31, 2012 5 មតិ
ខ្ញុំមិនហ៊ានថ្លើមធំពាសមេឃ ចង់បន្លំខ្លួនជាសម្តេច ឬប្រមាថតួនាទីនាយកអស់រដ្ឋមន្ត្រីរបស់សម្តេចដ៏ឧត្តុងឧត្តម ដ៏ចម្រើន ដ៏ថ្លៃថ្នូ ដ៏ថ្លៃថ្លា ដ៏មហិមា។ល។ នោះទេ តែខ្ញុំឧទាហរណ៍នេះ គឺចង់រៀនយល់ពីចិត្តសម្តេច ដែលនៅក្រោមមនុស្ស៣នាក់ដែលគ្មានអំណាច ក្តាប់អំណាចលើមនុស្សរាប់លាននាក់នោះ ថាតើសម្តេចមានអារម្មណ៍យ៉ាងម៉េចខ្លះជាមួយមនុស្សដែលមានសុទិដ្ឋិនិយម ឬភក្តីភាពជាមួយសម្តេច និងអ្នកដែលមានគំនិតទុទ្ទិដ្ឋិនិយមចំពោះសម្តេច ជេរសម្តេចរាល់វិនាទី ដែលមនុស្សទាំងនោះសម្តេចទុកថាជាមួយតំបរស្វា មានក្រុមខាងបក្សប្រឆាំង ក្រុមដែលមិនបានទទួលផលប្រយោជន៍ពីសម្តេច ក្រុមដែលរងគ្រោះដោយមន្រ្តីក្រោមឱវាទសម្តេច ក្រុមដែលសម្តេចបោះបង់ចោល។ល។ ។
ឧទាហរណ៍ថា សម្តេចជាមនុស្សល្អ»»»
ហេតុអីក៏រាស្រ្តជេរខ្ញុំរាល់ថ្ងៃបែបនេះ! តើខ្ញុំអាក្រក់ប៉ុណ្ណាទៅ! ខ្ញុំពិតជាមិនយល់! ខ្ញុំខំប្រឹងធ្វើការរាល់ថ្ងៃដើម្បីតែជាតិ! តែនៅតែត្រូវរាស្រ្តស្តីជេរ ប្រមាថតេះដៀល! ហ្ហិះ.. (ដើមដង្ហក) ខ្ញុំលះបង់ពេលវេលាដែលមានពីគ្រួសារ ពីកូនៗ ពីចៅៗ បំណងប្រាថ្នាតែមួយគត់ គឺចង់បានឈ្មោះចារក្នុងក្រមប្រវត្តិសាស្រ្តថាជា ជ័យវរ្មន៍ទី៧ម្នាក់ទៀត តែនៅតែយកទឹកចិត្តពីរាស្រ្តមិនបានអស់ទៀត!!!
ឧទាហរណ៍ថា សម្តេចជាមនុស្សអាក្រក់»»»
ហ៊ើយ.. (រអ៊ូ) ពួកអានេះភ្លើអីភ្លើម្ល៉េះ! អញលក់ជាតិជិតរលាយអស់ហើយ វានៅតែលើកជើង ទ្រអាច៍អញទៀត! ពួកអានេះស្មោះរកទីបំផុតគ្មានមែន! សមជាឆ្កែដ៏ស្មោះត្រង់មែន! តែត្រូវតែប្រយ័ត្នបន្តិចជាមួយពួកអាអស់នេះ តែអស់ស្នួលហើយ វាមុខជាបកខាំអញថ្ងៃណាមួយមិនខាន! ជំហ៊ានបន្ទាប់គឺត្រូវកំចាត់អាណាអង្គែស៊ីម្តងមួយៗ។ រកលេស៍ថាហ្អែងពុករលួយទៅ ទម្លាក់ដោយស្របច្បាប់ គ្មានអាណាដឹងថាអញស្អប់ហ្អែងទេ។ ហះហះហះ…. ពេលនោះអញអាចក្លាយជាជ័យជេដ្ឋាទី២ម្នាក់ទៀតហើយ ហើយកាន់តែសាហាវជាងជ័យជេដ្ឋាទី២ថែមទៀត!!!
គូទខ្យង
គូទខ្យង 